Tölum Um - Gummi Kíró & Kristjana Barðdal

Rósmarý Kristín - hvernig er að byrja vera áhrifavaldur?

Kristjana spjallar við Rósmarý Kristínu sem er á samning hjá Atelier Agency um hvernig það er að byrja vera áhrifavaldur. Rósmarý segir frá því af hverju hún fór í lyfjafræði og hvaða stóru drauma hún er með. Þær ræða einnig um hvernig það er að pósta reglulega á samfélagsmiðla og fara auðvitað yfir lærdóm vikunnar.
Hér er Rósmarý á instagram: https://www.instagram.com/rosmarykristin/ og TikTok: https://www.tiktok.com/@rosmarykristin
 

Lilja Marín - samfélagsmiðlar og óvænt módelstarf

Kristjana spjallar við Lilju Maríni um það hvernig það er að byggja sig upp sem áhrifavald. Hún segir líka söguna frá því hvernig hún var fengin til að vera módel þegar hún mætti sem áhorfandi á tískusýningu.Hér má finna Lilju Maríni á samfélagsmiðlum: https://www.tiktok.com/@liljamaarin og https://www.instagram.com/liljamarin/ 
 
Lilja talar um Eden Masliah í þættinum en hér er TikTok-ið hennar: https://www.tiktok.com/@edenmasliah 

Fanney Dóra - margt hefur breyst á samfélagsmiðlum

Kristjana spjallar við Fanney Dóru um hvernig hún byrjaði á samfélagsmiðlum og hvernig samfélagsmiðlar hafa þróast síðan. Fanney fer yfir það hvernig samfélagsmiðlar hafa breyst frá því að hún byrjaði að blogga og á Snapchat en í dag er hún ein af stærstu áhrifavöldum á Íslandi.

Lilja Gísla - samfélagsmiðlar og nafnleyndin á TikTok

Kristjana Barðdal og Lilja Gísla spjalla um hvernig samfélagsmiðlar eru í dag og hvernig nafnleynd hefur áhrif á hegðun fólks á TikTok. Lilja fer yfir framann sinn og hvernig áhugi hennar á markaðsmálum og snyrtivörum leiddi hana í markaðsteymi Hagkaupa. Lilja hefur haldið úti hlaðvörpunum Afsakið og Fantasíusvítan og er mikil körfuboltaáhugakona.
 
Þátturinn er í boði A4.

Atelier Agency - algengar spurningar

Kristjana fékk enga aðra til sín en Kristjönu Ben sem hélt lengi vel úti hlaðvarpinu Já elskan. Þær nöfnurnar fara yfir algengar spurningar í sambandi við nýstofnuðu umboðsskrifstofuna Atelier Agency. Þær ræða líka hvernig það er að taka skrefið að því að stofna sitt eigið fyrirtæki á milli þess sem þær blaðra og hrósa hvor annari.

Sylvía Briem - hvernig stofnaru fyrirtæki?

Kristjana Barðdal og Sylvía Briem spjalla um fyrirtækjarekstur og spennandi fréttir sem Gummi nefndi í síðasta þætti og Kristjana segir frá í þættinum. Sylvía fer yfir hvernig hún byggði upp fjölskyldufyrirtækið Steindal og hvernig hún og Eva Mattadóttir héldu úti hlaðvarpinu: Normið.Sylvía á instagram: https://www.instagram.com/sylviafridjons/

Hvernig tökum við ákvarðanir?

Gummi Kíró og Kristjana Barðdal fara yfir hvað er það mikilvægasta þegar kemur að því að taka ákvarðanir. Jú ef þið hafið verið að hlusta gætu þið giskað rétt, það eru auðvitað gildi. Þau fara yfir hvernig gildi hafa aðstoðað þau að taka ákvarðanir og afhverju það er mikilvægt fyrir öll þau sem hafa áhuga á því að starfa sem áhrifavaldar.

Hvernig gerum við erfiða hluti?

Gummi Kíró og Kristjana Barðdal fara yfir hvernig það er að gera erfiða hluti. Finnst þér stundum erfitt að pósta á samfélagsmiðla? Þá er þetta þátturinn fyrir þig þar sem þau fara yfir hvernig þau fundu sjálfstrauðstið til að pósta því sem þau vilja. Þau ræða allt sem hefur verið í gangi hjá þeim, námskeiðin sem þau voru að halda og hvernig þau taka erfiðar ákvarðanir.

Hvernig verður þú áhrifavaldur?

Gummi Kíró og Kristjana Barðdal fara yfir hvernig það er að vera áhrifavaldur í dag. Gummi segir frá því hvernig hann byrjaði á instagram og hvaða skref hann tók að verða áhrifavaldurinn sem hann er í dag. Við förum yfir hvernig markaðurinn er í dag þegar kemur að því að vera áhrifavaldur og hvað þarf að hafa í huga þegar kemur að samstörfum. Förum betur yfir samstarfið okkar og hvað við höfum lært frá því að við byrjuðum að vinna saman.

Af hverju þarf Gummi Kíró umboðsmann?

Í þættinum fara Gummi Kíró og Kristjana Barðdal sem er nýr meðstjórnandi þáttarins yfir hvernig það kom til að Kristjana er umboðsmaður Gumma. Þau ræða hvernig þau kynntust, hvað felst í því að vera umboðsmaður og hvernig þau vinna saman ásamt því að kynna til leiks Kristjönu og hennar bakgrunn.